martes, 22 de maio de 2018

Creando Rural

Algúns alumnos do centro participaron na actividade de Creando Rural. Este proxecto ten como obxectivo divulgar de xeito creativo coñecementos vinculados ao desenvolvemento sistible do rural. Para poder acceder aos nosos traballos só tedes que clicar na imaxe e se vos gustan votar por eles.


luns, 7 de maio de 2018

Encargos

Xa están as pezas preparadas para envialas ao cole CEP Carlos Casares
A qué quedaron moi chulas?
Compartir recursos e experiencias con outros centro sempre é positivo


domingo, 29 de abril de 2018

ÚLTIMA SESIÓN DO CLUB DE LECTURA :(

Hoxe celebramos a última sesión do Clube relacionada cunha das lecturas deste curso. Canta pena nos dá sempre que esta actividade remate!

Puxemos sobre a mesa A praia da esperanza, de Agustín Fernández Paz (en Xerais). 

Esta lectura foi un empréstito da biblioteca escolar Bibliorobiño, do CEIP Humberto Juanes. Gustaríanos agradecer este tipo de colaboracións entre bibliotecas, sen as caes non sería posible poñer en marcha o Club de Lectura.


O contido do libro, en xeral, gustou moito a todos, pois nos fala dunha castástrofe que sucedeu hai non moito tempo nas costas galegas. O afundimento do Prestige tocou o corazón de todos os nosos pequenos lectores, que pronto relacionaron esa traxedia coa vivida hai pouco nos seus fogares a causa dos incendios.


Foi unha sesión moi interesante, pois os membros (cada vez máis críticos no aspecto literario) comentaron que agardaban algo máis deste autor, en base a outros títulos del que leran. O texto resultoulles damasiado curto, faltáronlles puntos de vista (aquel do que ocurría no barco) e botaron en falta máis acción.


Porén, pareceulles interesante o modo en que o gran Agustín Fernández Paz introduciu a historia, creando un personaxe fantástico que a todos namorou.

Alongamos a charla durante a merenda e aproveitamos para falar de todos os títulos lidos e establecer o noso ranking persoal; para poñer palabras ao que significa para nós o Clube de lectura; para agradecer os momentos compartidos; para facer propostas para vindeiros cursos... Mesmo plantamos a semente para que se reivindique un Club de lectura no instituto!

Aquí vos deixamos os cometarios que xurden logo de realizar esta actividade... Só podemos estar agradecidos e emocionados. Para nós tamén foi todo un pracer!

















GRACIAS!

xoves, 26 de abril de 2018

PREMIOS DO CONCURSO DE POESÍA

O primeiro e máis importante, gustaríanos agradecer a todos a vosa participación neste Concurso de Poesía para Todos

Foron 15 días moi activos, pois rexistramos nada máis e nada menos que 105 textos, entre pareados e haikus, de 88 participantes! Todo un éxito!

Así de bonito luce agora un corredor na planta baixa. Estades todos invitados a ler os poemas!

A elección foi moi difícil para o xurado; tanto, que tivemos que solicitar axuda de outros Equipos do cole para tomar unha decisión. Había tanta calidade literaria e artística !

Aquí vedes por que non foi doado elixir os gañadores...

Hoxe, reunímonos baixo a mesma árbore que acolleu os días de sol o recital de poesía para entregar os premios. Estabamos todos, grandes e pequenos, deseosos de coñecer o nome dos afortunados gañadores. Qué nervios!

Ganas de coñecer o nome dos gañadores... Canta espectación!

Na categoría de pareados, para alumnos ata 2º de Educación Primaria, as gañadoras foron Amanda Rial e  Antía Barros, ambas de 2º curso. Estos son, por esa orde, os seus textos:



Por outra banda, na categoría de haikus, para alumnos dende 3º de Educación Primaria e resto da Comunidade Educativa, as gañadoras foron Alba Alborés, de 4º, e Marta Costas, de 6. Estos son, por esa orde, os seus textos:



Noraboa ás premiadas! Todas elas recibiron un premio composto por un libro de poesía, unha libreta, un marcapáxinas, un imán de Librincios e unha bolsa.

De esquerda a dereita: Alba, Antía, Amanda e Marta. Noraboa chicas!

Invitámosvos a todos a pasarvos pola planta baixa do cole e ler todos e cada un dos textos, pois son marabillosos.

Noraboa a todos os participantes!

GRACIAS!

luns, 23 de abril de 2018

CONTOS MUSICADOS PARA CELEBRAR O DÍA DO LIBRO

Hoxe, Día do Libro, a Agrupacón Musical de Vincios convidounos ás súas instalacións para celebrar esta data como se merece: escoitando contos!

Eles son uns expertos en poñerlle música ás historias, como ben vos podedes imaxinar. A flauta travesera, a trompeta, o trombón, a clave, o xilófono... encheron de notas os tres contos propostos da man de Fran, Iñaki, Adrián, Miriam, Mari Carme e Alejandro.

El sueño del rey Iván contounos a historia do Rey Iván na procura da súa amada; o segundo conto, Iago viaxa coa súa avoa, levounos ata o aeroporto para ir de vacacións; e a terceira proposta, Iago vai á escola, lembrounos a todos o noso primeiro día de escola que, ao final, non é tan malo como parece.


Acudimos en dúas sesións, primeiro os máis pequenos, ata 2º, e logo os maiores. Ademais dos contos, aprendemos máis sobre os instrumentos e puidemos tocalos (ou máis ben intentalo).

Queremos dende aquí darlle as gracias á Agrupación Musical de Vincios pola súa invitación e a noraboa polo seu traballo. Sodes xeniais, chicos!